Yemləmə proqramı
| Yem növü | Cücənin yaşı | Notlar |
| Başlanğıc. | 0-10 gün. (Hədəf çəkiyə nail olmadığı halda 14 günə qədər uzana bilər.) | Yaxşı keyfiyyətli başlanğıc yeminin zülalı yüksək olmalıdır ki, ilk mərhələdə cücənin sağlamlığını mükəməlləşdirsin. Başlanğıc yeminin yüksək keyfiyyətinə diqqətlə yanaşmaq gərəklidir. |
| Böyütmə. | 11-25 gün. | Performans itkisinin qabağını almaq üçün, başlanğıc yemindən böyütmə yeminə keçid hamar olmağına xüsüsi diqqət yetirmək gərəklidir. |
| Bitirmə. | 25 gündən- Kəsimə qədər. | Bitirmə yemi adətən ən çox işlənilən yem olduqdan, gəlirin optimallaşdırılmasına uyğun seçilməlidi. |
Yaxşı keyfiyyətli yem broyler cücələri üçün dəbdəbə deyil — birbaşa inkişafın, sağlamlığın və təsərrüfatın qazancının əsas şərtidir. Düzgün tərtib olunmuş yem — enerji, həzm olunan zülal, vitaminlər, minerallar və amin turşularının balansı — sürətli artımı, yem çevirmə əmsalının yaxşılaşmasını və immunitetin güclənməsini təmin edir. Əgər xammal keyfiyyətsiz və ya çirklidirsə, ən yaxşı idarəetmə belə nəticə vermir və ishal, ölüm faizinin artması, iştahsızlıq və zəif inkişaf kimi problemlər qaçılmaz olur. Bir sözlə, yem keyfiyyəti broyler yetişdirilməsinin bel sütunudur: keyfiyyət nə qədər yüksəkdirsə, risk o qədər az, iqtisadi səmərəlilik isə o qədər çox olur. Aşağıda Ross 308 standartlarına uyğun olaraq starter (başlanğıc), grower (böyütmə) və finisher (bitirmə) yemləri üçün enerji və xam zülal göstəriciləri təqdim olunur:
1) Başlanğıc (0–10 gün):
• Metabolik enerji: təxminən 3000–3025 kcal/kg
• Xam zülal: təxminən 22.5–23%
2) Böyütmə (11–24 gün):
• Metabolik enerji: təxminən 3050–3100 kcal/kg
• Xam zülal: təxminən 20–21%
3) Bitirmə (25–Kəsim):
• Metabolik enerji: təxminən 3150–3200 kcal/kg
• Xam zülal: təxminən 19–19.5%
